ACR cawlcanghnak in ralzaam pawl caah a lak in Cancer zawtnak zoh khawhnak a um lai

A ra lai mi October thla ah ralzaam pawl (UNHCR card/catlap le community card) ngeimi hna pawl caah Cancer zawtnak lei ngandamnak kong fimthiamnak peknak le zawtnak zoh piaknak cu ACR le National Cancer Society Malaysia (NCSM) hna i fonh in tuah a si lai i ahopaoh nih rak i zohter le tel khawh cio a si. Zawtnak zohnak ding cu a tanglei bantukin a si lai.

A voikhatnak (2 October 2020)
2 October 2020 ah Cancer zawtnak lei ngandamnak kong fimthiamnak peknak le zawtnak zoh piaknak cu a um lai i zawtnak hmuhmi an um sual ahcun 9 October 2020 ah National Cancer Society Malaysia (NCSM) siizung ah a man lo tein thlopbul piak an si lai.

A voi hnihnak (6 November 2020)
6 November 2020 ah Cancer zawtnak lei ngandamnak kong fimthiamnak peknak le zawtnak zoh piaknak cu a um than lai zawtnak hmuhmi an um sual ahcun, 13 November 2020 ah National Cancer Society Malaysia ( NCSM) siizung ah man lo tein thlopbul piak an si lai.

A voikhatnak ni (2 October 2020) i Cancer zawtnak lei ngandamnak kong fimthiamnak peknak le zawtnak zoh piaknak hmun cu a tanglei bantukin a si lai;

A Caan: 8:30 am -12:00 pm tiang
Ahmun: Senthang Christian Fellowship
2nd Floor, 50, JALAN SUNGAI BESI, Pudu, Kuala Lumpur.
Garb Address: TAI HIN ONM MOTOR SDN BHD.

Catialtu: James Bawi Thang Bik