Thla 2 Hnih Chung, Ramthumnak (US, CA) Kalnak Kong Thawng Bultan!

Kan hnung ah August thla le September thla chung, US kalnak ding kong kan rak tial cang bantukin a kalmi hna dihlak milu zat cu tawi tein ka vun langhter than.

Malaysia ralzam chungin atu zarh chung lawngah US ram a kal dingmi minung 89 an si hna. Thla hnih chungah a kalmi an tam biknak zarh a si men lai.

Kan hnung, August thla chungah khan US ram a kalmi an dihlak ah minung 145 an rak si. Mah chungah miphun dang ralzam minung 80 an itel, an tam ngai. Cun minung 54 hna cu Canada ram ah an rak kal, Chin ralzam minung pakhat te aa tel ve.

September thla chungah US ram a kalmi an dihlak ah ralzam minung 202 an si hna. Mah chungah miphun dang ralzam minung 58 an itel ve. A tangmi ralzam minung 144 hna cu Chinmi chung deuh ngawt kan si hna. Canada ram bel ah a kalmi ralzam minung 15 lawng an si Chin ralzam itel a si lo.